- 121 -

1341. Febr. 8. Liegnitz.

Aussöhnungs- und Verzeihungsbrief des Herzogs Boleslaus an die Stadt Liegnitz mit dem Gelöbniss, ihr den Salzmarkt binnen 2 Jahren, von Pfingsten 1341 an, auf ewig zu übergeben und zu verbriefen.

Wir Boleslaw von gotis gnaden herczoge von Slezien vnd herre czu Legnicz bekennen offenbar, daz wir mit willen vnd mit vorhengnisse vnser sone herczogen Wenczlaus vnd herczogen Ludwigis vnd mite rate vnser manne allen bruch, allen haz vnd alle schult, di wir czu vnsin getruwin burgern czu Legnicz gehabit han bis an desin tak, bi namin von den eins, den se durch schult willen etislichen verkoufet hatten vm huissuchen, vm wegelogin und notczogen, do se nicht recht czu gehabet hetten vnd vm den salczmarket, daz si den durch der stat nucz geeygnit habin vnd vm ander sachen, di der glich weren vnd bie namen vm die hulfe, die zcu vnses sones herczogen Wencezlaus hochcit se ton solden habin vnd dorczu vm alle sachen, wi die geheissen mugin, se sin benant adir vnbenant, heymelich adir vffenbar, di wir czu in gemeinlich ader sunderlich gehabin mochten, in welcher wize daz were, in genczlich vnd gutlich vorgebin ane allerleye argelist vnd aus vnsem herczen lasen wurbas me eweclichen vnd von vnser sone wein se in nymmerme vf czu hebin noch schult czu gebin dor vmme, noch in czu vorwizzen an keiner stat in czu schadin. Ouch gelobe wir in guten truim an allerley argelist, daz alle ir recht, gnade vnd vrieheit, se sint citlich adir ewik, di wir vnd vnse vorvarn in gegebin vnd vorkoufet han, vnverrucket vnd vnvorwandilt von vns vnd vnsin nochcomelingen bliben sullen vnd daz wir se do bie gutlich lazin vnd behaldin sullen vnd suln in bevor sin getruwelich, als wir von rechte schuldik sin. Dor vbir den vorgenanten saltzmarket gebe wir in von sunderlichen gnadin czwischen den nesten pfingisten vnd vurbas vbir czwey gancz iar dornoch czu haldin vnd czu schikken in der stat nucz, als se best mugin. Und noch deme czu haut sulle wir in gebin vnd vorbrifen eweclich denselbin saltzmarkt noch rote vnd entscheidunge Hannus Salemons, Prczoldis von Kallz, Sidils Brokotendorf vnd Hannus Ulrichs. Des gebe wir desin brif vnder vnsem grosten ingesegil vnd ist geschen czu Legnicz an dem nesten dunrstage noch vnser vrowin tag lichtewie von gotes geburt tusent iar driehundert iar vnd in dem ein vnd virczegisten iare.

Abschrift des vorigen Jahrhunderts, der eine genaue Notiz über Beschaffenheit des damals im Archiv noch vorhandenen, nun vermissten Originals beigegeben ist; Archiv-Acten, No. 1208, den Zoll oder sogenannten Stadt- Mauth betreffend.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866